Page Nav

HIDE

Grid

GRID_STYLE
TRUE

Left Sidebar

False

Breaking News

latest

مجهے مارکیٹ جا نا تها

مجهے مارکیٹ جا نا تها بہترین سا گفٹ خریدنا تها.گاڑی نکال هی رهی تهی ،کہ ایک عورت قریب آکر کهڑی هو گئی،بولی بی بی جی بہت غریب هوں کچه مدد...



مجهے مارکیٹ جا نا تها بہترین سا گفٹ خریدنا تها.گاڑی نکال هی رهی تهی ،کہ ایک عورت قریب آکر کهڑی هو گئی،بولی بی بی جی بہت غریب هوں کچه مدد کر دیں،

مجهے غصہ آگیا ،بس تم لوگ جہاں گاڑی دیکهتے هو فورا پہنچ جاتے هو اپنی ضرورتیں بتانے وہ بولی نہیں بی بی جی ،جهوٹ نہیں کہه رهی میں واقعی ضرورتمند هوں ،سردی بہت هے اور میرے پاس کوئی گرم کپڑا نہیں مجهے کوئی گرم کپڑا دے دیں آپ کا بهلا هو گا،

هو گیئں تمہاری فرمائشیں شروع ،اگلی بات بهی ساتهہ هی بتا دو،میں نے طنز کیا ،وہ گاڑی کے ساتهہ ساتهہ چلنے لگی ،نہیں بی بی جی اور کچهہ نہیں مانگتی بس گرم کپڑا دے دو ،اپنی کوئی اترن دے دو میرا وقت گزر جائے گا ،اپنی اترن دےدو بی بی جی ،میرا غصہ اور بڑهہ گیا .هٹو راستے سے .مجهے دیر هو رهی هے،وہ سہم کر پیچهے هٹ گئی اور میں نے گاڑی کی رفتار تیز کر دی ۔ ۔ ۔

مارکیٹ ابهی دور تهی کہ گاڑی ٹریفک جام میں پهنس گئی پتہ چلا کہ سڑک پر مرمت کا کام هو رها هے اس لئے نکلنے میں ٹائم لگے گا ،سخت کوفت هوئی مگر مجبوری تهی ،رکنا پڑا ،
وقت گزارنے کے لئے ادهر ادهر دیکهنے لگی ، قریب هی فٹ پاتهہ پر ایک بهکارن پاوں پهیلائے بیٹهی تهی ،میری نظر اس پر ٹک گئی ,اس کے بائیں هاتهہ میں دو روٹیاں تهیں ،ان پر سالن نام کی کوئی چیز رکهی تهی ،پهیلی هوئی گود میں بهی روٹی کے کچهہ ٹکڑے پڑے تهے ،اس نے اپنے هاتهہ میں پکڑی هوئی روٹی کا نوالا توڑا ،اسے سالن میں ڈبویا اور اپنے منہ میں ڈال لیا ، پهر گود میں پڑے هوئے ٹکڑوں میں سے ایک ٹکڑا اٹهایا اور خود سے تهوڑے فا.صلے پر بیٹهے هو ئے کتے کے آگے رکهہ دیا ,وہ بهی شائد بهوکا تها ،فورا کهانے لگا ۔ ۔

میں توجہ سے اسے دیکهنے لگی .وہ بار بار ایسا هی کرتی،ایک نوالہ اپنے منہ میں ڈالتی اور ایک ٹکڑا کتے کے آگے رکهہ دیتی ،پهر یہ هوا کہ گود میں رکهے هوے ٹکڑے ختم هو گئے،اسنے اپنے لئے نوالہ بنایا،منہ میں رکهنے لگی تواس کی نظر کتے پر پڑی،وہ اسے هی دیکهہ رها تها،جانے کیا سوچ کر اس نے اپنے هاتهہ میں پکڑی هوئی بقیہ روٹی اس کے آگے رکهہ دی لے تو کها لے،میں اس کی آواز بخوبی سن سکتی تهی وہ بولی میرا کیا هے اتنی گاڑیاں کهڑی هیں،ابهی اٹهہ
کے مانگوں گی،کوئی ڈانٹے گا،کوئی دهتکارے گا،اور کوئی مدد بهی کر دے گا ،میرا پیٹ بهر جائے گا مگر تو بےزبان کیسے اٹهے گا ،تیرا تو پاوں زخمی هے،
یہ کہه کر وہ بے نیازی سے اٹهی اور گاڑیوں کی لمبی قطار میں گم هو گئی،مجهے یوں لگا جیسے میں آسمان سے زمین پر آ گری هوں
مجهہ سے تو اس نے صرف اترن مانگی تهی ،منہ کا نوالہ نہیں...

حبیبہ