نوجوانوں کے لیے قیمتی وقت کے بہتر استعمال کی رہنمائی نوجوانوں کے لیے قیمتی وقت کے بہتر استعمال کی رہنم...
نوجوانوں کے لیے قیمتی وقت کے بہتر استعمال کی رہنمائی
عزیز نوجوان ساتھیو، وقت ہماری زندگی کا سب سے قیمتی سرمایہ ہے۔ اللہ تعالیٰ نے ہمیں یہ عظیم نعمت عطا فرمائی ہے اور ہم سے اس کے بارے میں قیامت کے دن سوال ہوگا۔ آج کی تیز رفتار دنیا میں ہمارے سامنے بے شمار مواقع موجود ہیں، لیکن ساتھ ہی بہت سے ایسے مشاغل بھی ہیں جو ہماری قیمتی وقت کو ضائع کر رہے ہیں۔
فضولیات سے پرہیز کریں
فیس بک، انسٹاگرام اور دیگر سوشل میڈیا پلیٹ فارمز پر بے مقصد اسکرولنگ ہمارے وقت کے ساتھ ساتھ ہماری تخلیقی صلاحیتوں کو بھی ضائع کر رہی ہے۔ مذہبی نقطہ نظر سے بھی یہ عمل ناپسندیدہ ہے کیونکہ یہ وقت کے ضیاع کے زمرے میں آتا ہے۔ احادیث مبارکہ میں وقت کے ضیاع سے منع فرمایا گیا ہے۔
تعلیم و مہارتوں کی طرف رجوع کریں
آج کی مسابقتی دنیا میں کامیابی کے لیے علم اور مہارتیں ہی سب سے بڑا سرمایہ ہیں۔ یوٹیوب پر تعلیمی ویڈیوز دیکھنا، نئی ٹیکنالوجیز سیکھنا، ڈیٹا اینالیٹکس، ویب ڈویلپمنٹ، آٹومیشن اور دیگر جدید علوم حاصل کرنا آپ کے مستقبل کے لیے انتہائی مفید ثابت ہوسکتا ہے۔
مفید ویب سائٹس اور وسائل
یوٹیوب کے علاوہ ہزاروں مفید ویب سائٹس موجود ہیں جن سے آپ مستفید ہوسکتے ہیں:
- DeepSeek جیسی جدید ترین AI ٹولز سے رہنمائی حاصل کریں
- Reddit پر مفید کمیونٹیز جوائن کریں
- Quora پر علمی موضوعات پر وقت گزاریں
- کامیاب لوگوں کے YouTube چینلز سبسکرائب کریں
- مقامی کامیاب شخصیات سے ملاقات اور رہنمائی حاصل کریں
- dailytenminutes.com جیسے بلاگز پڑھیں
- exceediance.com جیسی بزنس اسکلز ویب سائٹس سے فائدہ اٹھائیں
- aapkafaida.com جیسے اردو پورٹلز سے معلومات حاصل کریں
معاشرتی خدمات میں حصہ لیں
اپنے وقت کا کچھ حصہ معاشرتی اور سماجی خدمات کے لیے مختص کریں۔ یہ نہ صرف آپ کی شخصیت کو نکھارے گا بلکہ آخرت میں بھی آپ کے لیے باعث ثواب ہوگا۔
والدین سے اپیل
اگر آپ والدین ہیں، تو براہ کرم اپنے بچوں کو اس مضمون کو پڑھنے کی ترغیب دیں۔ آج کا دور ایسا ہے کہ خاندان میں صرف ایک فرد کی آمدنی پر گزارا کرنا مشکل ہوگیا ہے۔ شادی کے بعد ہر فرد کو اپنے پیروں پر کھڑا ہونا پڑتا ہے۔ اس لیے وقت رہتے ہوئے بچوں کی صحیح سمت میں رہنمائی انتہائی ضروری ہے۔
کامیابی کے اہم اصول
مستقبل کی منصوبہ بندی، اللہ پر مضبوط ایمان، محنت، مہارتوں کی ترقی، شخصیت اور کردار کی تعمیر یہ وہ بنیادی پہلو ہیں جو نوجوان نسل کو کامیابی کی راہ پر گامزن کرسکتے ہیں۔ وقت تیزی سے گزر رہا ہے، کل پر موکل کرنے کے بجائے آج ہی سے اپنے مستقبل کی تعمیر شروع کردیں۔
اللہ تعالیٰ ہم سب کو اپنے قیمتی وقت کے بہترین استعمال کی توفیق عطا فرمائے اور ہمیں ایسے اعمال کرنے کی ہمت دے جو ہمارے لیے دنیا و آخرت میں مفید ثابت ہوں۔ آمین
