ﻭﮦ ﺷﺨﺺ ﺳﺎﺭﯼ ﺯﻧﺪﮔﯽ ﺍﺳﻢ ﺍﻋﻈﻢ ﮐﯽ ﺗﻼﺵ ﻣﯿﮟ ﺭﮨﺎ، ﺍﺱ ﻧﮯ ﺑﮩﺖ ﺳﯽ ﮐﺘﺎﺑﻮﮞ ﮐﺎ ﻣﻄﺎﻟﻌﮧ ﮐﯿﺎ ! ﻭﮦ ﺟﺎﻧﺘﺎ ﺗﮭﺎ ﮐﮧ ﺍﺳﻢ ﺍﻋﻈﻢ ﻭﮦ ﺍﻟﻠﮧ ﮐﺎ ﭘﺎﮎ ﻧﺎﻡ ﮨﮯ ﺟﺲ ﺳﮯ ﺍﺳﮯ ﭘﮑﺎﺭ...
ﻭﮦ ﺷﺨﺺ ﺳﺎﺭﯼ ﺯﻧﺪﮔﯽ ﺍﺳﻢ ﺍﻋﻈﻢ ﮐﯽ ﺗﻼﺵ ﻣﯿﮟ ﺭﮨﺎ، ﺍﺱ ﻧﮯ ﺑﮩﺖ ﺳﯽ ﮐﺘﺎﺑﻮﮞ ﮐﺎ ﻣﻄﺎﻟﻌﮧ ﮐﯿﺎ ! ﻭﮦ ﺟﺎﻧﺘﺎ ﺗﮭﺎ ﮐﮧ ﺍﺳﻢ ﺍﻋﻈﻢ ﻭﮦ ﺍﻟﻠﮧ ﮐﺎ ﭘﺎﮎ ﻧﺎﻡ ﮨﮯ ﺟﺲ ﺳﮯ ﺍﺳﮯ ﭘﮑﺎﺭﺍ ﺟﺎﺋﮯ ﺗﻮ ﺳﺎﺭﮮ ﺑﮕﮍﮮ ﮐﺎﻡ ﺑﻦ ﺟﺎﺗﮯ ﮨﯿﮟ، ﺑﮩﺖ ﺗﺤﻘﯿﻖ ﮐﯽ ، ﺳﺐ ﮐﯽ ﺭﺍﺋﮯ ﻣﺨﺘﻠﻒ ﺗﮭﯽ، ﮐﻮﺉ ﮐﮩﺘﺎ ﮐﮧ ﺍﻟﻠﮧ ﮨﯽ ﺍﺳﻢ ﺍﻋﻈﻢ ﮨﮯ، ﮐﻮﺉ ﮐﮩﺘﺎ ﮐﮧ ﺣﯽ ﺍﻟﻘﯿﻮﻡ ﺍﺳﻢ ﺍﻋﻈﻢ ﮨﮯ ﮐﻮﺉ ﮐﮩﺘﺎ ، ﻭﺍﺣﺪ ﺍﺳﻢ ﺍﻋﻈﻢ ﮨﮯ۔ ﺍﺱ ﻧﮯ ﭘﮍﮬﺎ ﺗﮭﺎ ﮐﮧ ﺣﻀﺮﺕ ﺳﻠﯿﻤﺎﻥ ﻋﻠﯿﮧ ﺍﻟﺴﻼﻡ ﮐﻮ ﺍﺳﻢ ﺍﻋﻈﻢ ﮐﺎ ﻋﻠﻢ ﺗﮭﺎ ،ﯾﮧ ﻣﺒﺎﺭﮎ ﻧﺎﻡ ﺍﻥ ﮐﯽ ﺍﻧﮕﻮﭨﮭﯽ ﭘﺮ ﻧﻘﺶ ﺗﮭﺎ، ﺟﺲ ﮐﯽ ﻭﺟﮧ ﺳﮯ ﺳﺎﺭﯼ ﺩﻧﯿﺎ ﭘﺮ ﺍﻧﮭﻮﮞ ﻧﮯ ﺣﮑﻮﻣﺖ ﮐﯽ۔
ﺍﺱ ﮐﺎ ﺩﯾﻦ ﺳﮯ ﮐﻮﺋﯽ ﺧﺎﺹ ﻟﮕﺎﺅ ﺑﮭﯽ ﻧﮩﯿﮟ ﺗﮭﺎ، ﻣﮕﺮ ﯾﮧ ﺍﺳﻢ ﺍﻋﻈﻢ ﮐﺎ ﺧﯿﺎﻝ ﺍﺱ ﮐﮯ ﺳﺮ ﭘﺮ ﮨﻤﯿﺸﮧ ﺳﻮﺍﺭ ﺭﮨﺘﺎ ، ﻭﮦ ﺍﻟﻠﮧ ﮐﮯ ﻣﺨﺘﻠﻒ ﻧﺎﻡ ﺟﻮ ﺍﺱ ﮐﮯ ﺧﯿﺎﻝ ﻣﯿﮟ ﺍﺳﻢ ﺍﻋﻈﻢ ﮨﻮﺳﮑﺘﮯ ﮨﯿﮟ ﻟﮯ ﮐﺮ ﭘﮑﺎﺭﺗﺎ ! ﭘﮭﺮ ﻣﺸﺎﮨﺪﮦ ﮐﺮﺗﺎ ﮐﮧ ﮐﯿﺎ ﺍﺱ ﺳﮯ ﺍﺱ ﮐﮯ ﺣﺎﻻﺕ ﻣﯿﮟ ﮐﻮﺉ ﺗﺒﺪﯾﻠﯽ ﺭﻭﻧﻤﺎ ﮨﻮﺭﮨﯽ ﮨﮯ۔ ﻣﮕﺮ ﺍﺱ ﮐﮯ ﺣﺎﻻﺕ ﭘﮩﻠﮯ ﮐﯽ ﻃﺮﺡ ﮨﯽ ﺧﺴﺘﮧ ﺗﮭﮯ !
ﺁﺝ ﻭﮦ ﺳﺨﺖ ﻣﺎﯾﻮﺱ ﺗﮭﺎ، ﮨﺮ ﻃﺮﻑ ﺳﮯ ﻧﺎﮐﺎﻣﯽ ﮐﮯ ﺑﻌﺪ،ﺟﯿﺴﮯ ﺍﺱ ﻧﮯ ﺯﻧﺪﮔﯽ ﮐﯽ ﺁﺭﺯﻭ ﮨﯽ ﭼﮭﻮﮌ ﺩﯼ ﮨﻮ، ﺍﺱ ﻧﮯ ﺧﻮﺩﮐﺸﯽ ﮐﺎ ﻓﯿﺼﻠﮧ ﮐﯿﺎ ! ﺍﺱ ﻧﮯ ﺧﻮﺩﮐﺸﯽ ﮐﮯ ﻣﺨﺘﻠﻒ ﻃﺮﯾﻘﻮﮞ ﭘﺮ ﻏﻮﺭ ﮐﯿﺎ، ﭘﮭﺮ ﺍﺳﮯ ﺧﯿﺎﻝ ﺁﯾﺎ ﮐﮧ ﺍﮔﺮ ﮐﭽﮫ ﺍﺩﻭﯾﺎﺕ ﺯﯾﺎﺩﮦ ﻣﻘﺪﺍﺭ ﻣﯿﮟ ﮐﮭﺎ ﻟﯽ ﺟﺎﺋﯿﮟ ﺗﻮ ﺍﺱ ﺳﮯ ﺁﺩﻣﯽ ﻣﺮ ﺟﺎﺗﺎ ﮨﮯ۔ ﺍﺳﮯ ﺍﺱ ﺑﺎﺕ ﮐﺎ ﻋﻠﻢ ﻧﮩﯿﮟ ﺗﮭﺎ ﮐﮧ ﯾﮧ ﮐﻮﻥ ﺳﯽ ﺍﺩﻭﯾﺎﺕ ﮨﻮﺗﯽ ﮨﯿﮟ، ﺍﺱ ﮐﮯ ﮔﮭﺮ ﻣﯿﮟ ﺍﺩﻭﯾﺎﺕ ﮐﺎ ﺫﺧﯿﺮﮦ ﺗﮭﺎ، ﺟﻮ ﻣﺨﺘﻠﻒ ﺍﻗﺴﺎﻡ ﮐﯽ ﺗﮭﯿﮟ ! ﺍﺱ ﻣﯿﮟ ﺳﯿﺮﭖ، ﺍﻭﺭ ﺑﮩﺖ ﺳﯽ ﮔﻮﻟﯿﺎﮞ ﺗﮭﯿﮟ، ﺍﺱ ﻧﮯ ﮐﺎﻓﯽ ﻣﻘﺪﺍﺭ ﻣﯿﮟ ﮔﻮﻟﯿﺎﮞ ﮐﮭﺎﺋﯿﮟ ﺍﻭﺭ ﺳﯿﺮﭖ ﭘﺮ ﺳﯿﺮﭖ ﭘﯿﻨﮯ ﺷﺮﻭﻉ ﮐﺮﺩﺋﯿﮯ ! ﺟﺐ ﻭﮦ ﯾﮧ ﺳﺐ ﮐﭽﮫ ﮐﺮﭼﮑﺎ ،ﺗﻮ ﺍﺳﮯ ﺍﻟﻠﮧ ﮐﺎ ﺧﯿﺎﻝ ﺁﯾﺎ، ﺍﺳﮯ ﺍﺱ ﺑﺎﺕ ﮐﺎ ﺧﯿﺎﻝ ﺁﯾﺎ ﮐﮧ ﺧﻮﺩﮐﺸﯽ ﺣﺮﺍﻡ ﮨﮯ، ﺍﻭﺭ ﺍﺱ ﮐﯽ ﺳﺰﺍ ﺟﮩﻨﻢ ﮨﮯ۔ ﺍﺱ ﭘﺮ ﺷﺪﯾﺪ ﺧﻮﻑ ﻃﺎﺭﯼ ﮨﻮﮔﯿﺎ، ﮐﭽﮫ ﺍﺱ ﺑﺎﺕ ﺳﮯ ﮐﮧ ﻭﮦ ﻋﻨﻘﺮﯾﺐ ﻣﺮﻧﮯ ﻭﺍﻻ ﮨﮯ ﮐﭽﮫ ﺍﺱ ﺑﺎﺕ ﺳﮯ ﮐﮧ ﺟﺲ ﻃﺮﯾﻘﮯ ﺳﮯ ﻣﺮ ﺭﮨﺎ ﮨﮯ ﻭﮦ ﺑﮭﯽ ﺣﺮﺍﻡ ﮨﮯ۔
ﺍﺱ ﻧﮯ ﺭﻭﻧﺎ ﺷﺮﻭﻉ ﮐﺮﺩﯾﺎ، ﮐﭽﮫ ﺩﯾﺮ ﺑﻌﺪ ﺍﭨﮭﺎ، ﻭﺿﻮ ﮐﯿﺎ ، ﺟﺎﺋﮯ ﻧﻤﺎﺯ ﺑﭽﮭﺎﯾﺎ ﺍﻭﺭ ﻧﻤﺎﺯ ﭘﮍﮬﻨﮯ ﻟﮕﺎ، ﺍﺱ ﮐﮯ ﺁﻧﺴﻮ ﺟﺎﺋﮯ ﻧﻤﺎﺯ ﭘﺮ ﮔﺮ ﺭﮨﮯ ﺗﮭﮯ۔ ﻧﻤﺎﺯ ﮐﮯ ﺑﻌﺪ ﺍﺱ ﻧﮯ ﺩﻋﺎ ﮐﮯ ﻟﯿﮯ ﺍﻟﻠﮧ ﮐﮯ ﺳﺎﻣﻨﮯ ﮨﺎﺗﮫ ﭘﮭﯿﻼﺋﮯ ! ﺁﺝ ﺟﯿﺴﮯ ﭘﮩﻠﯽ ﺑﺎﺭ ﺩﻝ ﺳﮯ ﺩﻋﺎ ﮐﺮﺭﮨﺎ ﺗﮭﺎ، ﯾﺎﺍﻟﻠﮧ ﻣﺠﮭﮯ ﺑﭽﺎ ﻟﮯ ! ﻣﯿﮟ ﻧﺎﺳﻤﺠﮫ ﮨﻮﮞ، ﯾﺎﺍﻟﻠﮧ ﻣﯿﮟ ﺁﺋﻨﺪﮦ ﮐﺒﮭﯽ ﺑﮭﯽ ﺍﺱ ﻃﺮﺡ ﮐﺎ ﻋﻤﻞ ﻧﮩﯿﮟ ﮐﺮﻭﮞ ﮔﺎ۔ ﮐﺎﻓﯽ ﺩﯾﺮ ﺗﮏ ﺩﻋﺎ ﻣﯿﮟ ﺭﻭﺗﺎ ﺭﮨﺎ۔ ﺳﺎﺭﺍ ﺩﻥ ﭘﺮﯾﺸﺎﻥ ﺭﮨﺎ ﮐﮧ ﺟﻮ ﺍﺱ ﻧﮯ ﺍﺩﻭﯾﺎﺕ ﮐﮭﺎﺉ ﮨﯿﮟ ﮐﮩﯿﮟ ﺍﺱ ﮐﯽ ﻭﺟﮧ ﺳﮯ ﺍﺱ ﮐﺎ ﺑﺮﺍ ﺣﺎﻝ ﻧﮧ ﮨﻮﺟﺎﺋﮯ ! ﻣﮕﺮ ﺩﻥ ﺧﯿﺮﯾﺖ ﺳﮯ ﮔﺰﺭ ﮔﯿﺎ ﺍﻭﺭ ﺍﺳﮯ ﮐﭽﮫ ﻧﮧ ﮨﻮﺍ !
ﺍﺏ ﺍﺳﮯ ﺳﻤﺠﮫ ﺁﺋﯽ ﮐﮧ ﺍﺳﻢ ﺍﻋﻈﻢ ﺍﻟﻠﮧ ﮐﻮ ﺩﻝ ﺳﮯ ﭘﮑﺎﺭﻧﮯ ﮐﺎ ﻧﺎﻡ ﮨﮯ، ﭼﺎﮨﮯ ﺟﺲ ﻧﺎﻡ ﺳﮯ ﻣﺮﺿﯽ ﭘﮑﺎﺭﻭ ! ﺍﻟﻠﮧ ﺳﻨﺘﺎ ﮨﮯ۔
