Khouf-E-ilahi Bohut Badi Dain Hai Har Sache Musalman Ka Dil Iski Aarzo Karta Hai Aur Usske Wasiley Se Apni Islah Karta Hai Quraan Wo Sunna...
Khouf-E-ilahi Bohut Badi Dain Hai
Har Sache Musalman Ka Dil Iski Aarzo Karta Hai Aur Usske Wasiley Se Apni Islah Karta Hai
Quraan Wo Sunnat Ko Thaam Lo
Jo Shaqs Quran Woh Sunnat Ko Thaam leta Hai Aur Rahman Ke Zikr Par Khouf-E-ilahi Ki Wajhe Se Uski Aansoo Beh Nikalte Hain
Usse Jahanum Ki Aag nahi Chu Sakti Aur Jo Shaqs Seerat Mustaqeem Par Chalta Hai
Aur Zikr Ilahi Ke Waqt Khouf-E-ilahi Se Uske Rounghte Khade Hojate Hain
Usski Misaal Uss Darqt Jaisi Hai
Jiske Patte Khushk Hochuke Ho
Jab Teez Hawa Chalti Hai
Toh Usske Saare Patte
Jhadd Jaate Hain
Isi Tarah Uss Shaqs Ke Gunah Allah ke Khouf Ke Ba'as Jhadd Jaate Hain
Khouf-E-ilahi Ka Bohut Bada Ajr Woh Sawab Hai
Apne Wazan Ke Barabar Sona Sadqa Wo Qairaat Karne Ke Nisbat
Allah ke Khouf Se Iss Tarah Rona Behtar Hai
Ke Aansoo Ruqsaaroun Par Behne Lage
Uss Zaat Ki Qasam Jiske Hath Me Hum Sab Ki Jaan Hai
Jo Musalmaan Allah ke Khouf Se Rota Hai
Yahan Tak Ke Usske Aansoo Ke Chand Qatre Zameen Par Girr Padte Hain Toh Usse Jahanum Ki Aag Kabhi Nahi Chuegi
Allah Talah Ke Bargazedah Bande Janab Waheeb Bin Wardd Farmate Hain
Khouf-E-ilahi ki Misaal Uss Shaqs jaisi Hai
Jo Apne Ghar Me Moujood Ho
jab Tak Woh Apne Ghar Me Rehta Hai
Uska Ghar Abaad Rehta Hai
Laikin Maalik Jab Apne Ghar Se Juda Hojata Hai
Aur Usse Chordkar Chala Jaata Hai
Toh Ghar Veeran Wo Barbaad Hojata Hai
Yahi Misaal Allah Ke Khouff Ki Bhi Hai
Khouff-E-ilahi Jab Tak Kisi Ke Wajood Me Baaqi Rehta Hai
Woh Jism Abaad Rehta Hai
Aur Jab Khouff-E-ilahi Jism Se Ruqsat Hojata Hai
Toh Jism Kharab Hojata Hai
Aisa Shaqs Jab Logoun Ki Majlis Ke Paas Se Guzarta Hai Toh Woh Kehte Hain
Yeh Bohut Bura Aadmi Hai
Isspar Ahl-E-Majlis Ek Doosre Se Puchte Hain
Tum Ne Issme Kya BuraYi Dekhi Hai ??
Toh Sab Jawab Dete Hain
Humne Ussme Koi Burayi Toh Nahi Dekhi Laikin Hume Iss Se Nafrat Hai....
Hum Usse Pasand Nahi Karte
Aisa Isliye Hota Hai Ki Khouff E ilahi Usske Dil Se Nikal Chuka Hota Hai...........
Aur Jab Koi Aisa Shaqs Logoun Ke Paas Se Guzarta Hai Jiske Dil Khouff E ilahi Se Munnawarr Hota Hai Toh Kehte Hain
Yeh Shaqs Bohut Acha Hai
Log Puchte Hain Tum Ne Ussme Kounsi Khoobi Dekhi ????
Isspar Jawab Milta Hai...
Ke Humne Ussme Koi Khoobi Toh Nahi Dekhi
Magar Hume Uss Se Mohabbat Hai............
